🐼🐼 යෝධ පැන්ඩාවන් 🐼🐼

🐼යෝධ පැන්ඩා ජීවත් වන්නේ මධ්‍යම චීනයේ කඳු වැටි කිහිපයක වන අතර ඉන් ප්‍රධාන ලෙස සිචුවාන්හි පැන්ඩාවන් ගහණයෙන් 70% පමණ දැකිය හැක. තවද අසල්වැසි ෂැන්සි සහ ගන්සු වලද මෙම යෝධ පැන්ඩාවන් දැකිය හැක. ගොවිතැන, වන විනාශය සහ වෙනත් සංවර්ධනයේ ප්‍රතිඵලයන් ලෙස යෝධ පැන්ඩා කලක් ජීවත් වූ පහත්බිම් ප්‍රදේශවලින් පලවා හැර ඇති අතර මේ නිසා අද වන විට පැන්ඩාවන් සංරක්ෂණය මත යැපෙන අවදානමට ලක් වී ඇත. විශේෂයකි.

🐼 2015 වර්ෂයේ මාර්තු මාසයේදී සංරක්ෂණ ප්‍රවෘත්ති වෙබ් අඩවියක් වන මොන්ගාබේ වෙබ් අඩවිය ප්‍රකාශ කළේ වනයේ ජීවත් වන යෝධ පැන්ඩා ජනගහනය 268 කින් හෙවත් 16.8% කින් 1,864 දක්වා ඉහළ ගොස් ඇති බවයි. මේ නිසා 2016 දී අයි.යූ.සී.එන් සංගමය විසින් මෙම විශේෂය "වඳවීමේ තර්ජනයට ලක්වූ" සිට "අවදානමට ලක්විය හැකි" ලෙස නැවත වර්ගීකරණයට ලක් කළේය.

🐼 යෝධ පැන්ඩාවුන්ට නිශ්චිත ලැගුම් පොළවල් නැත. එහෙත් අභිජනන සමයේ දී උන් ඉතා වෙහෙස මහන්සි වී පැටවුන් බිහි කිරීමට සුදුසු බිලයක් තනති. එය තුළ සුව පහසුව පිණිස මෘදු ශාක පත්‍ර අතුරණු ලැබේ . ගැහැනු සතා වරකට බොහෝ විට  එක් පැටවෙකු පමණක් අගෝස්තු සැප්තැම්බර් මාසවල දී බිහි කරති. අළුත උපන් කුඩා පැටවෙකුගේ බර 2 kg පමණ වේ. පැටවුන් ඇස් අරින්නේ දින 40 කට පසුව ය.

🐼 පැන්ඩා සිත් ගන්න සුලු ගති ගුණවලින් හෙබි අහිංසක සතෙකි. උගේ මුහුණේ ඇත්තේ් ළදරු පෙනුමකි. උගේ ගමන සිනා උපදවන සුලු ය. යෝධ පැන්ඩා දිනකට පැය දහයක් දොළහක් පමණ ආහාර ගැනීමේ නිරත වේ. ගස තලා දමන්නේ නැතිව උණ දළු හා කොළ ගලවා ගැනීමේ අපූරු හැකියාවක් ඌට ඇත. 

🐼 පැන්ඩාට නිශ්චිත දින චර්යාවක් නැත. දිවා කාලය පමණක් නොව රාත්‍රී කාලයට ද ඌ ආහාර සොයා සැරිසරයි. නිදා ගැනීමට හෝ විවේත ගැනීමට විශේෂ වේලාවක් නැත. මධ්‍යම රාත්‍රියට හා උදෑසනට මොවුන් වඩාත් ක්‍රියාකාරී වේ. 

🐼 බාහිර බලපෑම් නැතිවිට මේ පැන්ඩා ගේ සියලු කටයුතු අලස ලෙස හෙමින් සීරුවේ සිදු කෙරේ. කෙනෙකු කළබල කළහොත් ඌ ඉවතට දිවගොස් සැඟව ගනී. එසේ කළ නො හැකි නම් ගසකට නැග අතු රිකිලි අතර සැඟවෙයි. වටාපිටාව නිහඬ හා නිශ්චල වූ විට පැන්ඩා ගසින් බැස බිමට පැමිණේ. ඇතැම්විට පැන්ඩාවුන් ගස්වල අතු මත නිදා සිටිනු ද දැකිය හැක. 

🐼 යෝධ පැන්ඩා සාමාන්‍යයෙන් හුදකලා වේ. සෑම වැඩිහිටියකුටම නිශ්චිත භූමි ප්‍රදේශයක් ඇති අතර ගැහැනු සතෙකු තම පරාසය තුළ සිටින අනෙක් ගැහැණුන්ට ඉවසන්නේ නැත. සමාජ හමුවීම් මූලික වශයෙන් සිදුවන්නේ කෙටි අභිජනන සමයේදී එකිනෙකාට සමීපව පැන්ඩා එකතු වන බැවිනි. සංසර්ගයෙන් පසු පැටවා ඇති දැඩි කිරීම සඳහා ගැහැනු සතා තනිවම පිටත් වේ.

 🐼 පැන්ඩා සන්නිවේදනය කරන්නේ ගස් කැපීම හෝ මුත්‍රා ඉසීම වැනි සුවඳ සලකුණු කිරීමෙනි. කුහර ගස්වල හෝ පාෂාණමය කුහරවල නැගී නවාතැන් ගැනීමට ඔවුන්ට හැකි නමුත් ස්ථිර වාස භූමියක් භාවිත නොකරයි. මේ හේතුව නිසා, පැන්ඩා ශිශිරතාරණය නොවන අතර එය වෙනත් උපනිවර්තන ක්ෂීරපායින්ට සමාන වන අතර ඒ වෙනුවට උන්නතාංශ කරා ගමන් කරනු ඇත.

🐼  යෝධ පැන්ඩා 1 

🐼 යෝධ පැන්ඩා 2 >